Lojtarët e Apex Legends kanë vërejtur teaser-in e parë të Season 4

Kështu mendojnë të paktën…

Teaser-i i parë për Apex Legends Season 4 mund të jetë rrëzuar në World’s Edge, pasi lojtarët vunë re çfarë dukej të ishte një meteor fluturues që digjej nëpër qendrën e qytetit të Capitol përpara se të përplasej në anën e një ndërtese.

Me mbylljen e Season 3 të Apex, dhe ekzaltimin e lëshimit të Crypto-s dhe kalimin në World’s Edge që është konsumuar tashmë, lojtarët po hedhin sytë e tyre për teaser-in tjetër që mund të fillojë eventin e ri të lojës.

Pas disa fillimeve false që rrethuan një njoftim problematik, duket se diçka më e prekshme dhe e vërtetë mund të ketë ardhur vetëm në përplasje

A është predha misterioze një meteor?

Klipi i shkurtër i lojës, i kapur nga përdoruesi i Reddit ‘TTeeckCorba’ dhe i ndarë në 9 Janar, duket se tregon një meteor të djegur që po vinte duke fluturuar nga ana e djathtë e ekranit, përpara se të shpërthente në një nga ndërtesat në Capitol City.

Pyetja e vërtetë është: a ishte me të vërtetë një meteor? Ekziston çdo shans që mund të jetë një tjetër nga sulmet e ‘bugs’-ave që pllakosin battle royale-in për momentin, i cili ka parë gjithçka nga hartat e zhdukura deri tek personazhet e pamposhtur.

Bishti i meteorit duket shumë i ngjashëm me raketat e shkrepura nga Bangalore dhe Gibraltar ults, duke bërë që disa të sugjerojnë se mund të ishte një predhë mashtruese nga ato që kanë arritur aty ku TTeeckCorba po bënte loot.

Kjo teori ndihmohet nga fakti se një ‘Gibraltar ult’ duket se po bën zhurmë në distancë, por duke marrë parasysh se sa shpejt predha shpërthyese fluturon dhe shpërthen, njerëzit nuk janë aq të sigurt se mund të kishte udhëtuar aq larg ndërmjet kohës kur u shfaq zhurma, dhe shpërthimit.

Sipas një tjetër lojtari Apex në Reddit, ky nuk është një event që ndodh vetëm një herë; mesa duket ata e kanë parë goditjen e madhe të meteorit dy herë më parë, gjithashtu në Capitol City, por ata nuk e kanë regjistruar incidentin sepse nuk e kanë besuar.

“Më bëhet qejfi që e kape,” tha ‘CSEnzley’, dhe pranoi që meteorë të tjerë kanë rënë. “Unë e kam parë dy herë në këtë zonë, por gjithmonë kam bindur veten se ishte diçka tjetër e çuditshme. Sidoqoftë, kjo e vendos, është diçka ndryshe.”

Lojtarët e tjerë ranë dakord se nuk mund të ishte një aftësi e ult duke u sjellë në mënyrë të pazakontë. Një fans i Apex, ‘Ghost-Of-Nappa’, madje dëgjoi disa herë tingujtë që vinin, dhe arriti në përfundimin se ishte “definitivisht jo një Gibraltar ult” për shkak të mungesës së “borisë që tregon fillimin” dhe “asnjë tingull tjetër eksplozivi që tregon një ult që mbetej”.

Lojtarët gjithashtu shtuan, se nuk mund të kishte qenë një raketë Gibraltar që goditi një ‘launch pad’ Octane për shkak të “trajektores së drejtë”, dhe shtuan se “artikujt e përplasur nga pad-i janë të prekur nga graviteti dhe do të harkohen por bishti i meteorit është drejt. Jam mjaft i sigurt që ky është një event i ri”.

A mundet që teaser-i i Season 4 të jetë kaq afër?

Nëse pamjet nga TTeeckCorba, dhe informacioni i shtuar nga CSEnzley, janë të për tu marrë për bazë, meteori mund të jetë pararendës për diçka më shumë.

Drejt fundit të Season 2, hakeri misterioz Crypto filloi të shfaqej nëpër King’s Canyon, duke ndryshuar dixhitalisht banderolat e lojtarëve, duke thyer kompjuterët dhe, përgjithësisht, vetëm duke bërë trazira në hartën origjinale të lojës. Në fund, doli që ai ishte duke u përpjekur ta çonte Apex Games në një botë tjetër, një objektiv të cilin ia arriti në kthesën e sezonit. Season 2 hyri në Season 3, dhe lojtarët zbritën në World’s Edge për epokën ‘Meltdown’.

Çuditërisht, kjo nuk është hera e parë që një goditje e mundshme meteori është përfolur në një battle royale modern, me titanin e zhanrit, Fortnite, që fshiu pikën popullore Dusty Depot në hartë në një event në fund të sezonit të tyre të tretë në 2018.

Lojtarët gjithashtu do të pyesin se si përplasja mund të lidhet me karakterin e ri të zbuluar të lojës Revenant. Ndërsa legjenda solli zombi në Apex, meteorët nuk duken shumë të mundshëm

Çfarë po vjen në Apex Legends Season 4?

Pavarësisht nëse meteori është i lidhur me Revenant, ose ndonjë nga personazhet e tjerë që janë bërë leak, dhe nëse meteori është real, lojtarët mund të presin që teasers të Season 4 të fillojnë së shpejti, me Season 3 pothuasje të përfunduar.

Sipas Respawn, Season 4 është vendosur të fillojë të Martën, 4 Shkurt, saktësisht një vit pas lëshimit të battle royale-it. Season 3, i cili duhet të themi që është kritikuar shumë nga fansat, pritet të përfundojë në të njëjtën kohë.

Si dhe sa për legjendën e re që bashkohet me Apex Games, lojtarët mund të presin një numër armësh të reja, duke përfshirë Volt SMG së fundmi, dhe CAR SMG.

Tani për tani, lojtarët do të duhet të tregohen të duruar nëse Respawn do të shprehet mbi meteorin. Ata u treguan të shkathët për të rregulluar banerolën me ‘glitches’ të mërkurën, kështu që ata mund ta trajtojnë edhe këtë “bug” po ashtu.

Nëse ata nuk shprehen, heshtja e tyre e mundshme mund të na thotë diçka, ata mund të mos dëshirojnë të prishin surprizën derisa më shumë lojtarë të kenë parë meteorin të fluturojë në qiell.