CD Projekt RED vendosi më parë që të lejojë rimbursimet për lojtarët që menduan se Cyberpunk 2077 nuk ja vlente. Tani kompania po e zbaton premtimin që mbajti. Disa lojtarë kanë filluar të marrin rimbursimet dhe duket se disa prej tyre edhe e kanë mbajtur lojën përtej kësaj.
Raportohet se disa klientë që fillimisht kanë kërkuar për paratë e tyre mbrapsht, kanë marrë rimbursimet përmes PayPal, por gjithashtu kanë vazhduar të kenë akses te loja.
Tashmë nuk është më e mundur që të kërkosh rimbursime, pasi afati i fundit kaloi në 21 dhjetor 2020, por nëse e bëtë kërkesën përpara kësaj date, do të merrni rimbursimin që ju takon. Disa prej klientëve gjithashtu kanë mundur të zëvendësojnë versionin e konsolës me një kopje për PC.
Gjatë javëve të fundit Cyberpunk 2077 ka marrë updates të mëdha, që kanë përmirësuar performancën e lojës. CD Projekt Red ka thënë se do të vazhdojë të punojë derisa të gjitha problemet të jenë zgjidhur.
Sigurisht që do të duhet relativisht mjaftueshëm kohë derisa gjërat të jenë plotësisht në nivelin e duhur, por rëndësi ka që kompania po shkon në atë drejtim.