Ky lojtar 5-vjeçar ka fituar një situatë 1v4 në Valorant

Klipi i një 5-vjeçari në Valorant ka pushtuar të gjithë internetin. Në të ai është duke përballuar një situatë 1v4 për të gjithë ekipin e tij.

Pavarësisht se sa eksperiencë mund të kemi, fitorja e një situate të tillë është gjithmonë e kënaqshme. Për një 5-vjeçar kjo situatë u bë realitet. Duke marrë parasysh moshën e tij është e pabesueshme se si ja doli ta bente këtë gjë. Jo vetëm që e bëri, por e bëri aq mirë sa shumë lojtarë të tjerë do ishin xhelozë për të.

Ai e gjeti veten në një disavantazh dhe qëndroi i qetë teksa po përdorte aftësinë e Reyna për të eleminuar katër armiqtë e mbetur. Pasi e mbaroi raundin, ai shkoi te babai i tij për t’i treguar çfarë kishte ndodhur.

Duke marrë parasysh progresin që ka Foopa deri tani, ai edhe mund të rekrutohet në një organizatë esports së shpejti. Aftësitë e tij të avancuara janë një dhunti që shumë gamers ëndërrojnë t’i kenë. Padyshim që do të presim shumë gjëra prej tij në të ardhmen.