Javën tjetër premtohet një RPG fantastike
Javën tjetër premtohet një RPG fantastike
Epic Games Store vazhdon të sjellë lojëra të reja falas, edhe pse kjo javë është pak ndryshe nga të tjerat. Ju do të merrni dy adaptime të lojërave të tavolinës falas, ndërkohë që javën tjetër do të vijë një prej lojërave më të mira RPG të viteve të fundit, si dhe një lojë indie beat-em-up.
Ju tani mund të drejtoheni drejt Epic Store për të marrë Ticket to Ride dhe Carcassonne, dy adaptime të lojërave të tavolinës. Një tjetër lojë tavoline, Pandemic, thuhej se do të vinte këtë javë, por Epic tha në një deklaratë se ajo do të jepej më vonë. Kompania nuk ka dhënë një arsye, por shumë thonë se është bërë për t’u sensibilizuar me të prekurit nga coronavirus.
Javës tjetër, do të mund të merrni Kingdom Come: Deliverance dhe Aztez. Këto lojëra do të mund të merren duke nisur nga 13 shkurti. Aztez është një lojë beat-em-up e lançuar në 2017 me një stil mjaft interesant dhe tematikë azteke. Ndërkohë, Kingdom Come: Deliverance është një prej lojërave më të mira që Epic Games ka dhënë falas prej kohësh dhe një lojë e cila ja vlen të luhet nga kushdo që është fans i zhanrit RPG.