Zbulohen lojërat e PS Plus për shkurt 2020 në PlayStation 4

3 lojëra, por jo Crash Bandicoot çuditërisht

Lojërat e shkurtit 2020 për PS Plus janë zbuluar. Si zakonisht, të abonuarit do të marrin dy lojëra falas për PlayStation 4, por këtë rradhë falas do të jetë gjithashtu edhe Firewall Zero Hour, një lojë për PlayStation VR. Për sa i përket lojërave që vijnë çdo muaj, këtë shkurt do të kemi BioShock: The Collection dhe The Sims 4.

Prit pak, a nuk u konfirmua Crash Bandicoot N. Sane Trilogy nga PlayStation Spain? Mesa duket jo. Postimi i PlayStation Spain përmendte një saga shumë të dashur dhe kishte një foto të Crash Bandicoot, por mesa duket qe thjesht një shaka dhe saga të cilës i referohej është BioShock.

Të katërta lojërat do të keni mundësi t’i shkarkoni duke nisur nga 4 shkurti.