Lojërat më të shitura të Playstation 4 nuk janë ekskluzive

Vetëm 2 prej 10 lojërave më të shitura për PS4 janë ekskluzive

Playstation 4 ka pasur shumë lojëra ekskluzive të vlerësuara mjaft mirë nga kritikët, të cilat gjithashtu kanë shitur shumë kopje. Megjithatë, Sony nuk duket dhe aq i suksesshëm kur këto lojëra ekskluzive krahasohen me lojëra të tjera për shumë platforma të kësaj gjenerate.

Para disa ditësh në Twitter, analisti Mat Piscatella i The NPD Group shpërndau një listë me lojërat më të shitura të Playstation 4 të të gjitha kohërave. Këtu përfshihen kopjet fizike dhe ato dixhitale dhe janë statistika të gushtit të 2019. Hidhini një sy vetë:

Është vërtet interesant fakti që pesë lojërat më të shitura për Playstation 4 nuk janë ekskluzive. Marvel’s Spider-Man, God of War, Horizon: Zero Dawn, Uncharted 4: A Thief’s End dhe Bloodborne, të gjitha lojëra të vlerësuara mjaft mirë, renditen etëm në vendin e gjashtë dhe më poshtë. Përpara tyre ndodhen lojëra për shumë platforma si Grand Theft Auto V, Red Dead Redemption 2, Black Ops 4 dhe Black Ops 3.

Microsoft shpesh është mbrojtur për ekskluzivet e saj të dobëta për Xbox One, sepse sipas disa analistëve epoka e ekskluziveve ka mbaruar. Rëndësia e ekskluziveve vihet në pikëpyetje kur lojërat më të shitura janë ato për shumë platforma.

Padyshim që Sony ka një avantazh me shitjet për shkak se ka shitur më shumë konsola, gjë e cila duhet të merret në konsideratë kur thuhet se Microsoft ka fituar po njësoj para. Gjithashtu duhet konsideruar nga Sony përpara lançimit të gjeneratës tjetër me Playstation 5.

Nëse besohen zërat, Playstation 5 pritet të zbulohet nga Sony midis Playstation Experience 2019 dhe gjysmës së parë të 2020. Më pas, lançimi zyrtar do të ndodhë në vjeshtën e 2020.

Kohët e fundit, një gazetar japonez tha se Sony do të lançojë dy versione të konsolës së saj për dy audienca të ndryshme. Modeli bazë do të jetë më i dobët dhe më i lirë, ndërkohë që modeli Pro do të jetë shumë i fortë, por gjithashtu do të vijë me një çmim mjaft të lartë.