Lojërat javore falas të Epic do të vazhdojnë përgjatë 2020-ës

Lojtarët shpenzuan 680 milion dollarë në Epix Games Store vitin e kaluar, në rast se ishit kuriozë.

2019-ës i erdhi fundi disa javë më parë, por dhuratat javore të Epic Games Store vazhdojnë të vijnë. Në fakt, e mbaroi vitin me shumë lëvizje dhe 2020-a nisi jo keq po ashtu, para se të ktheheshin përsëri në modelin e njohur, një për javë. Epic më në fund e bëri zyrtare: ‘Weekly free games’ kanë për të qëndruar gjatë gjithë vitit 2020.

“Një dekadë e re do të thotë lojëra të reja dhe ne po shohim një fillim të shkëlqyeshëm me mijëra tituj të mahnitshëm që vijnë ekskluzivisht në Epic Games Store këtë vit,” tha Epic. “Për të nisur gjërat, ne po e zgjasim programin tonë javor të lojërave falas gjatë vitit 2020. Çdo javë, kaloni nga Epic Games Store të merrni lojën tuaj. Pasi ta merrni, është e juaja për ta mbajtur përgjithmonë.”

Ne mendojmë se është interesante që Epic po e nis 2020-ën me një theks në ekskluzivitet EGS. Reagimi kundër lëshimeve ekskluzive të Epic nuk duket aq i madh sa një vit më parë, por njerëzit ende e pëlqejnë Steam dhe ndjenja se Epic Games Store nuk do të jetë shumë e larmishme, është e vazhdueshme. Kjo është një ligjëratë mjaft e qartë që Epic nuk planifikon të ndryshojë kursin e saj.

Epic gjithashtu na bëri të ditur me disa numra (të cilët mund t’i shihni më poshtë) duke lënë të kuptohet se pse nuk po zmbrapset: 680 milion dollarë të shpenzuar në Store, përfshirë 251 dollarë në lojëra ‘third-party’, dhe ky është “shpenzimi aktual nga klientët”, tha Epic, dhe nuk përfshin “vlerën e kuponave, financimin nga ana e Epic”, ose ndonjë lloj gjëje të përafërt. Store mund të ketë ata që duan ta dëmtojnë, por njerëzit qartazi po shpenzojnë para në të.

Dhe edhe nëse deri më tani keni arritur të shmangni shpenzimin e parave në të, është e vështirë t’i thuash jo lojërave falas apo jo?!