Lojërat falas të nëntorit në PlayStation Plus janë zjarr

Sony ka zbuluar lojërat falas që abonentët e PlayStation Plus do të marrin. Ky muaj është mjaft unik për shërbimin, pasi shënon lançimin zyrtar të PlayStation 5. Ndaj, në dallim nga zakonisht, lojtarët do të mund të marrin një total prej tre lojërash.

Duke filluar me konsolën më të re të Sony, Bugsnax do të jetë i disponueshëm falas në PS Plus nga data 12 nëntor. Kjo është një lojë e veçantë që u zbulua fillimisht në eventin e Sony në qershor. Loja do të jetë e disponueshme deri në 4 janar të 2021, vetëm për ata që kanë PS5.

Në lojërat që janë të disponueshme edhe për në PS4, Sony e mbyll kapitullin në mënyrën më të mirë të mundshme, pasi kemi dy lojëra fantastike. Specifikisht lojërat e mëposhtme do të ofrohen falas në PS Plus, nga data 3 nëntor në 30 nëntor:

Middle-earth: Shadow of War

Hollow Knight: Voidheart Edition

Të dyja këto do të jenë paralelisht të disponueshme edhe në PS5.