Lojërat falas të PS Plus për tetor 2020

Kësaj here PS Plus sjell shpejtësi dhe një vampir.

Lojërat falas PS Plus që po të vijnë për tetor 2020 do t’iu sjellin shpejtësinë e garave me makina dhe një vampir nga Londra. Lojërat e ardhshme falas PS Plus për ketë muaj janë Need for Speed: Payback dhe Vampyr.

Need for Speed: Payback është loja e vitit 2017 nga EA në serinë e lojërave të saj racing, duke e kthyer vëmendjen në historinë kinematografike të tre personazheve të mbërthyer në botën e krimit të Fortune Valley. Nga emri i lojës mund ta kuptojmë direkt që në të do të ketë hakmarrje. Ju do të luani si Tyler i cili adhuron shpejtësinë, Mac i cili është mjeshtër i drift-it dhe kriminelin e makinave Jess. Historia e të tre këtyre personazheve do t’iu fal emocion në garat ku më i shpejti triumfon.

Nga ana tjetër, Vampyr na sjell Halloween me një histori të drejtuar nga lojtarët të cilët do të luajnë si një vampir i ri i cili ka fuqinë për të shpëtuar njerëzit e një lagjeje Viktoriane në Londër – ose t’iu marrë gjakun e tyre të shijshëm. Ju do të keni mundësinë të zgjidhni se çfarë do të bëni ose me kë do të ushqeheni. Secila prej zgjedhjeve tuaja do të ndikojë në pasojat të cilat do të vijnë në të ardhmen.

Të dy lojërat do të jenë në dispozicion duke filluar nga e marta, 6 tetor, e cila është gjithashtu kur lojërat falas PS Plus nga shtatori nuk do të jenë më të disponueshme. Sapo këto lojëra të dalin, do të keni kohë deri të hënën më 2 nëntor për t’i luajtur. Atëherë do të jetë pothuajse koha e duhur për PS5 dhe ardhjen e koleksionit të PlayStation Plus.