Një javë e re një tjetër set lojërash falas në Epic Games Store. Momentalisht mund të merrni Rising Storm 2: Vietnam dhe Abzu, por si gjithmonë ne presim me padurim lojërat falas të javës së ardhshme. Epic tashmë po i afrohet vibe-it të Halloween me Amnesia: A Machine for Pigs, që do të jetë e disponueshme bashkë me Kingdom: New Lands.
Ju do të mund t’i merrni të dyja lojërat falas në faqen e Epic në datë 15 tetor. Lojërat janë plotësisht falas dhe pasi t’i merrni do të mbeten në librarinë tuaj përgjithmonë.
Amnesia: A Machine for Pigs është gjysmë vazhdimi dhe gjysmë spin-off i Amnesia: The Dark Descent. Loja nuk ja doli që të arrinte të njejtin nivel si paraardhësja e saj, por mbetet një aventurë e tmerrshme që do të përmbushë nevojën tuaj për lojëra Halloween-i. Gjithashtu do ju përgatisë për lançimin e Amnesia: Rebirth që do të bëhet pas disa javësh.
Nëse nuk jeni fort fans i horrorit, mund të merrni Kingdom: New Lands. Kjo është dhënë edhe një herë më parë falas në Epic në 2019n, ndaj nëse nuk e keni marrë atëherë kjo është mundësia juaj.