E enjtja e çdo jave sjell një raund tjetër lojërash falas në Epic Games Store dhe gjithashtu është dita kur marrim vesh se çfarë do të jetë falas javën e ardhshme. Duke filluar nga data 29 tetor, fiks në kohë për Halloween, ju do të mund të merrni kopje të Blair Witch dhe Ghostbusters: The Video Game Remastered.
Blair Wich është një lojë horror first-person nga njerëzit e Bloober Team, që mund t’i mbani mend nga lojëra si Layers of Fear dhe Observer. Loja vendoset në zonën rurale të Maryland në 1994 dhe ju luani si Ellis, një veteran lufte me eksperienca traumatike nga e shkuara e tij, teksa vihet në kërkim të një fëmije të humbur. Ka shumë tension në pyjet e errëta të lojës, por të paktën keni që qen që quhet Bullet, të cilin mund ta përkëdhelni.
Ghostbusters: The Video Game Remastered është një tjetër lojë e ardhur nga filmat dhe prezanton bashkëpunimin e fundit mes dyshes së shkrimtarëve Dan Aykroyd dhe Harold Ramis. Të katërt aktorët që luajnë Ghostbusters marrin rolet e tyre në lojë, përfshirë Bill Murray dhe Ernie Hudson.
Për një lojë të liçensuar që doli fillimisht në 2009, Ghostbusters është çuditërisht një eksperiencë shumë argëtuese. Ju do të luani si një anëtar i ri rookie i ekipit të Ghostbusters.