Lojërat e PS Plus për muajin maj janë bërë leak dhe janë brutale

Lojërat e PS4 për PS Plus të muajit maj mund të jenë bërë leak online dhe nëse rezultojnë të jenë të vërteta, atëherë ato janë brutale.

Një muaj i ri nënkupton që një tjetër lojë e PS Plus është bërë leak përpara njoftimit zyrtar të Sony. Në forumet ResetEra, përdoruesi ‘Adookah‘ ka postuar një ad për lineup-in e muajit të ardhshëm për PS Plus PS4. Duke qenë se ky përdorues thotë se e ka marrë imazhin nga një mik i tij, besueshmëria e këtij leak-u nuk është shumë e ditur për momentin. Përtej kësaj, ka diçka te fonti i imazhit që na bën të dyshojmë pak. Gjithsesi, nëse është i vërtetë si leak, nuk vihet në diskutim që fansat do të jenë shumë të kënaqur me lojërat e majit.

Lojërat në fjalë janë Dark Souls Remastered dhe Dying Light. Shikojeni vetë imazhin më poshtë:

Si gjithmonë me leaks që nuk janë të verifikuara, e mira është që informacioni të mos merret menjëherë si i mirëqenë. Ne do ju mbajmë të informuar në momentin që të kemi një lajm konkret nga Sony për lojërat e majit.

Ndërkohë keni ende kohë për të marrë Uncharted 4 dhe Dirt Rally 2 si pjesë e lojërave të këtij muaji në PS Plus.