Lojërat e gushtit për PlayStation Plus sapo janë bërë leak dhe nëse informacioni del i saktë, lojtarët do të jenë shumë të kënaqur me ofertat e muajit të ardhshëm. Një përdorues i PS4 thotë se duke kërkuar për lojëra që mund të luante në PS Store, u has me dy lojëra që kishin shenjat e PlayStation Plus sipër, duke sugjeruar kështu se Sony i kishte sjellë këto më herët për disa përdorues.
Lojërat ishin Star Wars Battlefront II dhe EA Sports UFC 3. E para njihet si një nga lojërat me kontraditat më të mëdha të kësaj gjenerate, për shkak të loot box-ave të saj. Nëse ju pëlqen UFC pastaj, shumica e lojtarëve që e kanë luajtur kanë mbetur mjaft të kënaqur me të.
Tani duhet të kthehemi me këmbë në tokë dhe të mendojmë se ky është vetëm një leak. Asnjë informacion nuk është i konfirmuar dhe fakti që në momentin që po shkruajmë jemi ende në mes të korrikut, do të thotë që kemi edhe dy javë para për ta zbuluar se çfarë do të ndodhë.