Instalimet e ardhshme të Red Dead Redemption dhe Grand Theft Auto do të jenë më të vogla në përmasa se paraardhëset e tyre. Sipas Take Two Interactive, lançime të tjera do të jenë më të shkurtra falë aftësisë së lojërave për të sjellë përmbajtie të re edhe pas lançimi. Pra zhvilluesit nuk do të kenë më nevojën të sjellin një lojë të kompletuar, por do të mund ta plotësojnë atë pas lançimit.
“Është e mundur që lojërat të jenë më të shkurtra nga çfarë ishin në fillimin e tyre. Aftësia për të sjellë përmbajtie të re edhe kohë pas lançimit. Pra kjo do të thotë që loja në fillimin e saj nuk do të ketë të njejtat përmasa, pasi do të ekzistojë lirshëria e shtimit të saj online.” Është shprehur Strauss Zelnick, CEO i kompanisë.
Ai gjithashtu u shpreh se do të donte të kishte periudha më të shkurtra kohore në lançimin e lojërave të mëdha..khëm..GTA6. Një mënyrë për ta bërë këtë do të ishte nëse skuadrat e punës do të bëheshin më të mëdha. Take Two do e lërë këtë gjë në dorë të zhvilluesve.
Sigurisht që nuk do të shohim një vazhdim të Red Dead Redemption së shpejti, por siç thamë edhe më lartë, ka ardhur koha të dëgjojmë ndonjë fjalë për GTA 6. Loja me shumë mundësi është në zhvillim e sipër pët PS5, Xbox Scarlett dhe PC.