Lojërat e ardhshme falas të Epic mund të jenë bërë leak

Çfarë e ka rradhën pas GTA 5 dhe Civ 6?

Përpara një jave, u postua një imazh në Reddit që detajonte katër lojërat e ardhshme që do të vinin falas në Epic Mega Sale. Kjo e fundit vazhdon deri në 11 qershor. E para ishte Grand Theft Auto 5, që në atë kohë tashmë ishte njoftuar të ishte falas. Tre të tjerat pastaj mund të ishin hamendësime, siç zakonisht rezultojnë shumica e leaks.

Gjithsesi, loja e dytë në listë ishte Civilization 6, që tashmë u konfirmua se ishte loja e dytë që Epic po jepte falas.

Loja e ardhshme në këtë listë është Borderlands: The Handsome Collection, një paketë që përmban Borderlands 2 dhe The Pre-Sequel, si edhe DLC për të dyja ato. Nëse kjo është e vërtetë nuk ka të sharë si giveaway. Loja e fundit në listë është Ark: Survival Evolved.

Do të na duhet të presim deri të enjten e 28 majit për të zbuluar nëse ky leak është i vërtetë. Deri atëherë mund të merrni Civilization 6 falas. Ajo vjen bashkë me Aztec DLC, që fillimisht ka qenë një bonus i pre-order.