Një javë e re, një tjetër set lojërash falas nga Epic Games. Kjo është pak a shumë rutina tani. Normalisht teksa i afrohemi Halloween edhe lojërat që jepen do të jenë gjithmonë e më shumë në shpirtin e atmosferës festive. Këto janë Costume Quest 2 dhe Layers of Fear 2.
Si gjithmonë do të mund t’i merrni të dyja lojërat falas nga faqja e Epic Games Store, pasi giveaway të jetë live në 22 tetor. Do të mund t’i merrni të dyja lojërat falas për t’i patur më vonë në librarinë tuaj gjithmonë.
Layers of Fear 2 është një lojë ku ju luani si një aktor i papunë, që thirret nga një regjizor misterioz për një rol në një anije transporti mallrash në mes të oqeanit. Që në këtë pikë e dini që po i futeni botës psikologjike të lojërave horror, ndaj keni për detyrë të udhëtoni përmes makabrës.
Loja tjetër është paksa më miqësore pastaj. Costume Quest 2 është vazhdimi i lojës origjinale RPG të Double Fine, ku ju kontrolloni një festë me fëmijë që fitojnë fuqitë e kostumit që kanë veshur për Halloween.
Derisa këto dy lojëra të jenë të disponueshme për t’u shkarkuar në 22 tetor, keni akoma kohë të merrni falas Amnesia: A Machine for Pigs dhe Kingdom: New Lands.