Lojtarët e Xbox One kanë dy lojëra të reja që tani mund ti luajnë në konsolat e tyre. Larry Hryb i njohur si Major Nelson, drejtori i programimit të Microsoft për Xbox One, njoftoi në Twitter se konsola Xbox One tashmë mbështet dy lojëra të tjera Xbox 360 përmes backward compatibility.
Fatlumet që i bashkohen listës janë Ninja Gaiden 3: Razor’s Edge dhe Trials Evolution, përkatësisht nga Team Ninja dhe RedLynx. Këto lojëra janë të disponueshme për tu shkarkuar duke nisur që sot.
NINJA GAIDEN 3: Razor's Edge and Trials Evolution are coming to Xbox One Backward Compatibility today https://t.co/qPMRNrLoTQ pic.twitter.com/tBeZTGSQoy
— Larry Hryb (@majornelson) May 2, 2019
E zhvilluar nga Team Ninja për PS3, Wii U dhe Xbox 360, Ninja Gaiden 3 Razor’s Edge është një Ninja Gaiden 3 i përmirësuar, që përfshin DLC-në origjinale si edhe një varietet ndryshimesh të tjera në performancë.
Trials Evolution pastaj, u zhvillua nga Red Lynx. Fillimisht e lançuar për Xbox 360 në prill të 2012s, përpara se të kalonte në iOS dhe PC më vonë, ju përball me një botë motoçikletash, ku ju duhet të ngjisni rrugën tuaj drejt majës.
Tashmë të dyja këto lojëra janë bërë më koherente, falë përshtatjes së tyre me Xbox One, ndaj nëse ju zë ndonjëherë nostalgjia ose thjesht keni interes ti provoni, pse të mos iu jepni një shans?