Lista e lojërave falas të Epic Games Store vazhdon të shtohet dhe tashmë është bërë rotacioni për lojërat e kësaj jave. Teksa lista fillimisht përfshinte vetëm një lojë për fansat e detektivëve: Sherlock Holmes: Crimes and Punishments, Epic ka shtuar edhe Close to the Sun në listë.
Sherlock Holmes: Crimes and Punishments, e zhvilluar nga Frogwares, një studio indie e bazuar në Ukrainë, u lançua në 2014n. Loja ju kërkon që të zgjidhni gjashtë raste të koklavitura vrasjesh, duke përdorur disa skills dhe duke kryer veprimet tuaja në bazë të vlerave të moralit.
Close to the Sun ju çon nga fundi i viteve 1800, në një anije të quajtur Helios, një krijim i Nikola Tesla. Kjo lojë është horror, ndaj natyrshëm shumë gjëra nuk kanë shkuar siç duhet në Helios dhe ju do të keni plot mistere për të zbuluar teksa eksploroni.
Të dyja lojërat janë falas në Epic Games Store deri në 16 prill, ku më tej do të zëvendësohen nga Just Cause 4 dhe Wheels of Aurelia.