Një nga pikat më të mëdha të shitjes së konsolave të gjeneratës së ardhshme si PS5 ose Xbox Series X është mbështetja për lojërat që funksionojnë me 120fps në TV dhe monitorë që përfshijnë modes 120Hz. Ndërsa kemi parë tashmë një numër lojërash të reja Xbox dhe PS5 që funksionojnë me 120fps, disa lojëra ekzistuese po bëhen upgrade vetëm me 120fps për Xbox Series X, dhe jo PS5.
Si Call of Duty: Warzone dhe Rocket League, për shembull, përfshijnë vetëm suport për 120fps në Xbox Series X. Activision nuk ka komentuar pse vetëm Warzone në Xbox Series X e ka këtë mbështetje, por zhvilluesi i Rocket League, Psyonix i ka zbuluar Eurogamer se është më e komplikuar për tu mundësuar 120fps në anën e PS5.
“Mundësimi i 120Hz në Xbox Series X | S është një patch i vogël, por mundësimi i tij në PS5 kërkon një port të plotë vendas për shkak të mënyrës se si zbatohet backwards compatibility në konsolë, dhe fatkeqësisht nuk ishte e mundur për shkak të fokusit tonë diku tjetër”, shpjegon Psyonix.
PS5 është i aftë të ekzekutojë lojëra ekzistuese të PS4 me 120fps, por ka padyshim më shumë punë të përfshirë për zhvilluesit për ta mundësuar atë. Në terma afatshkurtër, kjo mund të nënkuptojë se do të shohim më shumë raste të lojrave që ekzekutohen në PS5 pa 120fps, por që shfaqen në Xbox Series X me normën më të lartë të frame-it.
Vetëm për zhvilluesit ka qenë më e lehtë ta zbatojnë këtë në anën Xbox Series X sepse Microsoft ndërtoi suport 120Hz në Xbox One vite më parë. Xbox One X dhe Xbox One S u bënë update gjithashtu për të mbështetur ritmet e ndryshueshme të rifreskimit përsëri në 2018, së bashku me një mundësi për daljen e videos 1440p. Sony sapo ka filluar të sjellë suport për 120Hz me PS5, por konsola ende nuk mbështet një 1440p mode.
Suporti 120fps nuk do të jetë problem në planin afatgjatë, pasi më shumë zhvillues do të ndërtojnë lojëra për PS5. Por ndërsa zhvilluesit vazhdojnë të lëshojnë lojëra cross-gen për Xbox One dhe PS4, ka të ngjarë të ketë një përzierje të asaj që mbështetet. Ka shenja që kjo mund të përmirësohet, megjithatë. Bungie për shembull po planifikon të bëjë upgrade Destiny 2 në 8 Dhjetor me mbështetje 120fps në Xbox Series X dhe PS5 për crucible mode.