Kur PS5 të lançohet më vonë gjatë këtij viti, dimë se konsola PlayStation e gjeneratës së ardhshme do të shoqërohet me Godfall, por kjo është pak a shumë gjithçka që dimë për lojërat që do të vijnë me PS5. Kemi patur thashetheme për një remake të Demon’s Souls, një Gran Turismo të ri, një reboot të SOCOM, Horizon Zero Dwan 2, një lojë të re horror nga krijuesit e Silent Hill etj, por këto janë të gjitha spekulime. Tashmë, duket se një lojë e re nga Housemarque, zhvilluesi i lojërave si Resogun, Alienation dhe Nex Machina, mund të vijë me lançimin e konsolës.
Sot, studioja Finnish, e njohur për lojëra që vlerësohen shumë për gameplay-in njoftoi se loja e tij e ardhshme battle royale: Stormdivers, do të vihet në pauzë, që studioja të mund të punojë për: “lojën më të madhe dhe ambicioze ndonjëherë.” Siç mund ta dini, jo vetëm Housemarque ka punuar me Sony në të shkuarën, por ka zhvilluar edhe një lojë lançimi për PS4. I shtojmë kësaj dhe faktin që drejtori i PlayStation , Shuhei Yoshida është parë së fundmi duke vizituar zyrat e studios dhe kemi një spekulim të ri në dorë.
Housemarque tha: “Tani jemi të fokusuar të sjellim lojën më ambicioze dhe më të madhe që kemi bërë ndonjëherë, duke vënë në pauzë çdo projekt tjetër, përfshirë këtu zhvillimin e Stormdivers. E gjithë kompania do të vijë së bashku për ta sjellë këtë lojë, që do të vendosë hapat e ardhshme të Housemarque.”
Sigurisht që për tani e gjitha kjo është një spekulim, por shumë fansa të PlayStation besojnë se loja për të cilën bëhet fjalë është një ekskluzive e PS5 në lançim.