Alcon Entertainment dhe publicisti dhe zhvilluesi i lojërave finlandez Next Games po bashkëpunojnë në një lojë për “Blade Runner 2049”.
Drejtori i përgjithshëm i Next Games Teemu Huuhtanen e bëri lajmërimin të mërkurën, në ditën e dytë të Electronic Entertainment Expo 2017, e njohur ndryshe si E3. Kompanitë nuk caktuan date lëshimi të lojës ose një titull specifik.
Alcon po prodhon filmin pasardhës të “Blade Runner 2049” me Warner Bros. duke siguruar shpërndarjen brenda vendit dhe Sony që siguron territoret internacionale. Protagonist është Ryan Gosling me Harrison Ford që luan rolin e tij të famshëm si Rick Deckard, “blade runner”-in origjinal. Filmi del më 6 Tetor.
“Ne jemi të kënaqur që do të punojmë me Blade Runner, një ikonë e vërtetë e popit,” tha Huuhtanen. “Jemi të vendosur që të përcjellim temat unike dhe vizionin e së ardhmes në Blade Runner. Si ne dhe Alcon Entertainment i vlerësojmë lojërat për telefonë që janë autentike dhe origjinale. Partneriteti ynë është një konfirmim i misionit të Next Games për të riformuar mënyrën se si të tilla lojëra mund të transformohen dhe të përmirësohen, nga miliona fansa që i shijojnë globalisht.”
Next Games është i njohur kryesisht për ‘The Walking Dead: No Man’s Land,” i bazuar në seritë e AMC TV. Është shkarkuar mbi 16 milion here, me lojën që tenton t’i pasqyrojë eventet ndërkohë që atë ndodhin në shfaqje.
Andrew Kosove dhe Broderick Johnson, bashkëdrejtorët e përgjithshëm dhe themeluesit e Alcon Entertainment thanë në një lajmërim, “Ne jemi të ekzaltuar që do të punojmë me Next Games në këtë përvojë të re. Bota e Blade Runner është shumë e pasur në mënyrë unike për të treguar historinë mbi një varietet platformash.”
Pasardhësi vendoset 30 vjet pas origjinalit të 1982, i cili u drejtua nga Ridley Scott dhe vendosur në një version me shi dhe të mjerueshëm të Los Angeles ndërkohë që ndjek Deckard i cili ndiqte katër replikues të cilët u arratisën nga një koloni jashtë kësaj bote. Androidët, të udhëhequr nga karakteri Roy Batty me qëllimin për të zgjatur jetëgjatësinë e tyre katër-vjetore. Filmi ishte selektuar në 1993 për tu ruajtur nga Libraria e Kongresit në United States National Film Registry.
Filmi është shkruar nga Hampton Fancher dhe Michael Green dhe ndjek historinë origjinale nga Fancher dhe David Peoples, bazuar në novelën e Philip K. Dick “Do Androids Dream of Electric Sheep?”
Denis Villeneuve bëri regjizurën e “Blade Runner 2049” me Scott që ishte producent ekzekutiv. Ana de Armas, Sylvia Hoeks, Robin Wright, Mackenzie Davis, Carla Juri, Lennie James, Dave Bautista dhe Jared Leto janë gjithashtu aktorë. Gosling luan një oficer të departamentit të policisë së Los Angeles i cili zbulon një sekret i cili ka potencialin të shtyjë çfarë ka ngelur nga shoqëria në kaos dhe e drejton atë në një kërkim për të gjetur Deckard, i cili mungon prej 30 vitesh.