Një listim për Fable 4 është shfaqur në platformën Microsoft Mixer, duke sugjeruar që një hyre e re në serite e Fable do të vijë së shpejti. Në të shkuarën ka patur shumë thashetheme që Playground Games është duke punuar me Fable 4.
Vitin që lamë pas, Phil Spencer i Microsoft konfirmoi se Playground Games është duke punuar me një open-world RPG, duke i bërë të gjithë të mendojë se kemi të bëjmë me Fable 4. Gjithsesi asgjë nuk është konfirmuar zyrtarisht nga asnjë prej palëve.
Listimi në Mixer na bën të besojmë sadopak që loja do të njoftohet në E3 2019. Ky listim u zbulua nga një përdorues i Reddit, sipas të cilit Fable 4 del në search së bashku me Fable 3 dhe lojërat e tjerea. A është e mundur që të jetë e gjitha vetëm një gabim?
Microsoft Mixer garanton tituj të ndryshëm lojërash nga të cilat streamer-at mund të zgjedhin. Kjo e bën përmendjen e Fable 4 në të diçka më shumë se thjesht një gabim. Kjo është arsyeja pse fansat e lojërave Fable janë duke pritur fuqishëm zbulimin e saj në E3 2019.
Ky leak gjithashtu përshtatet edhe me thashethemet e bëra më parë që loja do të njoftohej në E3. Më tej, leak-u përmendi se loja e ardhshme e Fable nuk do të vijë në Xbox One sepse do ti përkasë gjeneratës së ardhshme të Xbox-it.
Nëse burimi i këtij leak-u është i besueshëm, fansat do të mund ta shohin lojën e ardhshme të Fable në Electronic Entertainment Expo së bashku me një trailer. Plus fakti që loja do të vijë në 2021, nëse do të jetë pjesë e konsolave të gjeneratës së ardhshme.
Krahas gjithë këtyre që thamë,fakti se një lojë Fable është në zhvillim e sipër është e sigurtë. Çfarë mbetet për ne është që të presim se kur do të zbulohet për publikun. Sërish këtu mundësia më e mirë ekziston në E3.