PlayStation 5 dhe Xbox Series X janë më pak se një vit larg dhe momentalisht nuk dimë asnjë nga lojërat që do të vijnë me konsolat. Gjithsesi, nëse do të besojmë një leak të ri, atëherë The Order 1886 mund të bëjë një rikthim dhe jo vetëm në PS5, por edhe në Xbox Series X. Në të kaluarën, Ready at Dawn ka konfirmuar se po punon në një lojë AAA, por kjo është gjithçka që ka konfirmuar deri më tani.
OsirisBlack nga NeoGAF, që ka dhënë informavione të sakta në të kaluarën, ishte duke hedhur shenja drejt një loje të re për PS5 dhe Xbox Series X. Ajo ngjan shumë sikur mund të jetë vazhdimi i The Order: 1886.
Në postimin që mund ta lexoni në linkun e mësipër. Përdoruesi i NeoGAF aludon se së fundmi i është treguar një lojë next-gen, që i ka lënë përshtypje shumë të mirë. Teksa po përshkruante atë që ai pa, OsirisBlack përmend një burrë me një pasije ndriçuese mbi supe, me shumë krahë dhe sy të verdhë. Nëse e mbani mend, njeriu-ujk në The Order 1889 kishte sy të verdhë. I gjithë përshkrimi i tij lidhet me lojën.
Sigurisht që e gjitha kjo duhet marrë si një spekulim për momentin. PlayStation 5 dhe Xbox Series do të lançohen të dyja në prag të fundvitit. Ende nuk dihet data ekzakte e ardhjes së konsolave, çmimi ose lojërat që do të kenë në lançim.