Një countdown është shfaqur në faqen zyrtare të lojës.
Një countdown është shfaqur në faqen zyrtare të lojës.
Një lojë e re Need for Speed do të vijë këtë vit. EA e ka bërë me kohë planin për një hyrje të re në këto seri, por kompania ka qenë shumë e përmbajtur në detajet për të. Duket se kësaj mungese të informacionit do ti vijë fundi, pasi tashmë ka një countdown për zbulimin e Need for Speed.
Ishte faqja zyrtare e Need for Speed ajo që e kishte këtë coundown sot. Koha e tij mbaron nesër në datë 14 gusht dhe për ne këtu do të mbarojë fiks në orën 15:00. Duke qenë se ende ka disa ditë të mbetura para Gamescom-it, është e sigurtë të themi që mund të presim më shumë informacione për lojën në konferencën e EA.
Kjo e fundit e ka konfirmuar zyrtarisht në raportin e fundit financiar se një lojë e re Need for Speed do të lançohet për konsola dhe PC brenda periudhës së 1 tetorit deri në 31 dhjetor të këtij viti, ndaj ishte çështje kohe përpara se detajet e lojës të fillonin të dilnin në sipërfaqe.
Zhvilluesit te Ghost Games kanë bërë disa deklarata mbi planet e tyre për Need for Speed 2019 dhe sipas tyre loja do të ketë stilin e gameplay-it të lojës së 2015s. Nuk ishte kjo loja më e preferuar nga seritë, por padyshim që ishte më mirë se Payback.
Sipas disa leaks-ave loja e re do të quhet Need for Speed Heat, por në të njejtën kohë ky mund të jetë edhe një emër i sajuar nga fansat. Cilido qoftë rasti, do ta zbulojmë nesër kur coundown-i të mbarojë.