Krahas Jedi Fallen Order dhe Plants Vs Zombies, EA ka planifikuar një tjetër lojë për lançim në tremujorin e tretë këtë vit. Need for Speed 2019 është konfirmuar për lançim në Q3 dhe një deklaratë e fundit zbulon rikthimin e konceptit cops vs racer për lojërat Need for Speed. Need for Speed 2019 do ta ndjekë këtë koncept.
CEO i EA ka thënë se thelbi i Need for Speed 2019 ka risjellë në jetë mentalitetin e cops vs racers. Pamë pak nga kjo ide në lançimin e Need for Speed Payback, por thelbi i historisë qëndron te hakmarrja.
Koncepti cops vs racers u implementua tamam te Need for Speed Rivals. Lojtarët mund të ndryshonin rolet mes policëve dhe garuesve në një online open world. Sado që loja nuk është më e mira e serive të saj, koncepti mund të ripërdoret në një mënyrë më të mirë. Le të shpresojmë që Need For Speed 2019 të jetë një produkt më i mirë.
Pjesa e lançimit në Q3 e lë dritaren kohore në muajt gusht ose shtator. Me shumë mundësi një njoftim zyrtar do të bëhet në E3, që do e shoqërojë lojën me previews dhe pamje gameplay.
Hamendësimi i të gjithëve është se loja do të zhvillohet nga Ghost Games, por momentalisht nuk ka ende asnjë konfirmim. Edhe në një tjetër rast pra, mbetet të presim për E3.