Një lojë e re po vjen nga Keiichiro Toyama, drejtori i njohur për punën e tij në Silent Hill dhe seritë e Siren te Sony. Toyama ka njoftuar se po punon në një lojë të re, te studioja ideie që formoi më herët gjatë këtij viti. Gjithsesi, mos prisni që ajo të jetë e fokusuar plotësisht në horror.
Loja e re në zhvillim te Bokeh Game Studio është një lojë: “aksion-aventurë që do i tërheqë fansat e punës time të mëparëshme,” në vetë fjalët e Toyama kjo. Ai ka shtuar se loja do të jetë e orientuar te horrori , por përgjithsësisht do të vijë si një eksperiencë më e gjerë se aq.
Loja është planifikuar të lançohet në 2023 dhe versioni në PC është fokusi i tyre kryesor për momentin. Toyama i janë bashkuar veteranë të tjerë të studios japoneze të Sony si Kazunobu Sato dhe Junya Okura. Sado ka shërbyer si producent në seritë e Siren dhe The Last Guardian. Ai do të ketë të njejtin rol edhe këtu.
Okua ishte level designer në Siren dhe Gravity Rush. Ai do të jetë drejtori i lojës te studioja Bokeh. Shikoni videon e mëposhtme për më shumë informacion.