Supergiant Games, zhvilluesit e Bastion, Transistor dhe Pyre njoftuan lojën e tyre të ardhshme të quajtur Hades gjatë ceremonisë së The Game Awards mbrëmjen e shkuar. E bukura është se nga njoftimi kaloi direkt në lançim dhe u zbulua se Hades është e disponueshme për tu luajtur në Early Access.
Hades bazohet në tematikën e mitologjisë greke. Traileri tregonte Cereberus, Zeusin dhe disa detaje të tjera që e konfirmonin këtë. Nëse jeni fans i lojërave të tjera të Supergiant, atëherë Hades do jetë menjëherë e njohur për syrin. Stili artisitk i studios kthehet me të njejtat detaje dhe mjedise të larmishme që jemi mësuar të presim nga Supergiant.
Ky i fundit është shprehur se “Hades ofron shumë orë emocionuese plot aksion dhe narrativë që vetëm rritet”. Hades ishte një nga tre lojërat e para që u lançuan në dyqanin e ri të Epic Games, krahas RPG Ashen dhe Hello Neighbour.