Board game i njohur i Game of Thrones arrin në Steam më vonë këtë vit
Board game i njohur i Game of Thrones arrin në Steam më vonë këtë vit
Për fat të mirë për ata që nuk kanë shumë hapësirë shtesë në shtëpinë e tyre për lojëra fizike ose miq të tjerë që duan të luajnë tabletop, shumë nga board games më të mira kanë tendencën të vijnë drejt platformave dixhitale, dhe një lojë e shkëlqyer strategjike është duke ardhur në Steam këtë vit. Botuesi Asmodee Digital ka njoftuar A Game of Thrones: The Board Game – Digital Edition do të vijë në Q3 2020 në Steam për PC dhe Mac. Loja strategjike asimetrike bazohet në board game-in me të njëjtin emër dhe, natyrisht, serinë fantastike të krijuar nga George R. R. Martin. Edicioni dixhital tani është në dispozicion në wishlist në Steam.
Në lojën e Game of Thrones, e cila është vlerësuar në mesin e 150 board games të BoardGameGeek të të gjitha kohërave, ju do të merrni përsipër një nga shtatë mbretëritë e Westeros, të cilat po luftojnë për kontrollin e Iron Throne përmes përdorimit të diplomacisë dhe luftës. Loja gjithashtu përfshin menaxhimin e resurseve, okupimin e zonës, urdhrat e veprimeve të fshehura dhe kartat e heroit që paraqesin personazhe nga seria. Në mënyrë tipike të Game of Thrones, loja gjithashtu përfshin formimin e aleancave dhe marrjen e premtimeve që nuk janë asnjëherë detyruese dhe mund të përfshijnë thika pas shpine.
Deri në gjashtë lojtarë do të jenë në gjendje të luajnë online ose mund të luani solo me deri në pesë kundërshtarë të AI. Do të ketë gjithashtu sfida ekskluzive dixhitale bazuar në Luftën e Pesë Mbretërve.