Conarium u bë falas dje, por java tjetër ngelet një mister, apo jo?
Conarium u bë falas dje, por java tjetër ngelet një mister, apo jo?
Shpresojmë t’i keni marrë kopjet tuaja të The End is Nigh dhe Abzu nga Epic Games Store, pasi këto lojëra tashmë nuk janë më falas. Në vend të tyre është Conarium, një aventurë horror e stilit Lovecraft rreth një grupi shkencëtarësh që do të eksplorojnë limitet absolute të natyrës.
Conarium nis kur ju zgjoheni në një stacion të shkretë kërkimi shkencor pranë Polit të Jugut. Së shpejti ju kuptoni se nuk ishit thjesht pa ndjenja, ishit të vdekur dhe tashmë jeni rikthyer, i ndryshuar dhe duke folur për kujtime dhe vënde të çuditshme. Diçka ka humbur dhe diçka shumë e keqe ka marrë vendin e saj. Prej këtu, ju eksploroni bazën si dhe ëndrrat dhe misionet tuaja, duke qëndruar larg përbindëshave groteskë ndërkohë që punoni për të zbuluar sekrete dhe për të gjetur të vërtetën e këtij misteri të tmerrshëm.
Por ky nuk është i vetmi mister, pasi gjithashtu lind pyetja se cila lojë na pret javën tjetër falas. Nuk ka një titull, thjesht një “? ? ?” dhe një imazh që duket fare qartë që është Batman, edhe pse nuk ka asnjë lojë Batman në Epic Store. Është imazhi Long Live the Bat i përdorur nga DC për të festuar 80 vjetorin e krijimit të superheroit, por disa prej fotove të vogla në Batman janë zëvendësuar me imazhe të Lego Batman. Ka tre lojëra Lego Batman, të lançuara midis 2008-2014, por asnjë prej tyre nuk është në Epic. Duke marrë parasysh moshën, mbase një trilogji po vjen?
Kjo do të zbulohet javën e ardhshme, vetëm nëse Epic e zbulon sekretin në lidhje me lojën e ardhshme falas më herët. Megjithatë, keni mundësi të merrni Conarium falas deri në 19 shtator, përpara se të keni mundësi të shijoni diçka në lidhje me Batman javën e ardhshme.