Ka ardhur koha për të zbuluar se kush është loja tjetër falas e Epic Games Store. Epic ka zbuluar se çfarë duhet të presim javën e ardhshme dhe në fakt është interesante, sepse për herë të parë ka zgjedhur që ta lërë mister. Loja e rradhës falas e Epic do të zbulohet direkt në momentin që të bëhet falas.
Ajo do të jetë live në 14 maj në orarin e zakonshëm dhe ju do të mund të shkoni si zakonisht, ta shkarkoni falas dhe ta mbani në adresën tuaj përgjithmonë, por nuk do e dini dot se cila është për të paktën pesë ditë të tjera.
Epic ka filluar të bëjë disa ndryshime në logjikën e sjellies së lojërave falas, përfshirë këtu kërkesën e përkohshme të two-factor authentication për të marrë këto giveaways. I gjithë ky mister për lojën e javës së ardhshme na bën të mendojmë që ajo mund të jetë diçka e madhe, ose thjesht Epic ka qef të luajë pak me mënyrën se si i bën gjërat.
E sigurt që do e marrim vesh në 14 maj. Për momentin mund të merrni Death Coming, një simulator ku praktikisht duhet të merrni shpirtrat e njerëzve.