Siç e dimë, CD Projekt RED ka si qëllim të rikthehet në seritë e The Witcher pasi të mbarojë punën me Cyberpunk 2077, me shumë mundësi The Witcher 4. Historia e Ciri është diçka që shumë fansa do të donin që të thellohej pak dhe gjasat janë që studioja do ja u plotësojë dëshirën.
Më specifikisht, shkrimtari pas The Witcher 3: Wild Hunt dhe Cyberpunk 2077 së fundmi bëri një deklaratë shumë interesante. Specifikisht Jakub Szamalek tha se me shumë gjasa do të shohim një prequel të fokusuar te Ciri.
“Bëhem pishman që nuk e eksploruam të kaluarën e Ciri. Ajo është një personazh shumë kompleks dhe për arsye të qarta, Ciri mungonte në 2/3 e lojës. Fatkeqësisht për shkak të plotit, nuk kishim aq shumë kohë sa do të donim me atë, diçka kjo që do ta rregullojmë në të ardhmen.”
Sigurisht që fjalët e tij nuk konfirmojnë asgjë për lojën e ardhshme të serive, por ato ishin mjaft premtuese për të ardhmen e saj.
CD Projekt RED po punon momentalisht me Cyberpunk 2077, që do të vijë për PS4, Xbox One dhe PC në 17 shtator. Loja gjithashtu do të suportojë Smart Delivery, për tu luajtur edhe në konsolat e gjeneratës së ardhshme.