Logoja e PlayStation 5 bëri më shumë bujë se zbulimi i Xbox Series X

Komuniteti ka folur, dhe nuk besojmë se Microsoft do ta dëgjojë se çka për të thënë

Kanë kaluar më shumë se 24 orë të plota që kur u zbulua logoja e PS5, dhe Sony është në epërsi në lidhje me garën e mediave sociale për konsolat ​​e gjeneratës së ardhshme, të paktën në Instagram. Logoja e re vetëm ka tërhequr një audiencë më të madhe sesa zbulimi i Microsoft-it për Xbox Series X gjatë The Game Awards 2019. Në planin afatgjatë, kjo mund të mos thotë shumë por, është një fakt interesant që duhet ta kemi parasysh.

Dje, faqja zyrtare në Instagram e PlayStation postoi një imazh të logos PS5 që u zbulua në CES 2020. Për momentin, ky post tepër i thjeshtë ka marrë 5 milion likes. Nga ana tjetër, postimi zyrtar i Xbox në lidhje me Xbox Series X më 12 Dhjetor 2019 ka grumbulluar pak më shumë 990,000 likes. Një diferencë e tillë e gjerë mund të shpjegohet kur merren parasysh faktorët e shumtë. Veçanërisht, numri i ndjekësve të llogarisë së PlayStation në Instagram është sa dyfishi i Xbox, me PlayStation me mbi 22 milion ndjekës krahasuar me 9.9 milion të Xbox.

Çuditërisht, faqja zyrtare në Twitter e PlayStation ende nuk ka zbuluar logon e PlayStation 5. Sidoqoftë, lajmet kanë bërë mjaft ndikim në Twitter, me disa postime nga përdorues që bëhen viral gjatë natës. Biseda rrotullohej rreth vendimit të Sony për të zbuluar vetëm logon në CES 2020, duke nxitur lajme shtesë PS5 deri në një datë të mëvonshme, dhe faktin që është praktikisht i pandryshuar nga logot PS4 dhe PS3.

Gjatë segmentit të shkurtër të PlayStation gjatë konferencës CES, Sony gjithashtu ndau shifrat e shitjeve për platformat e saj. PlayStation 4 ka kaluar 106 milion njësi të shitura në mbarë botën. Numrat e shitjeve të PlayStation VR janë mbresëlënëse gjithashtu, duke arritur në pesë milion njësi të shitura dhe duke e bërë atë ‘headset’-in më të shitur VR.