Logitech do të blejë Streamlabs për të paktën $89 milionë

Marrëveshja do të mbyllet në javët e ardhshme

Logitech International ka rënë dakort për të blerë kompaninë që krijon software për streaming Streamlabs për rreth $89 milionë në dorë, së bashku me një pagesë prej $29 milionë nëse aksionet e Logitech arrijnë qëllimet e tyre. Marrëveshja pritet të mbyllet në javët në vijim.

E krijuar në 2014, Streamlabs është fokusuar në krijimin e mjeteve dhe software që i vijnë në ndihmë streamer-ave, përfshirë këtu lajmërimet për subscriber dhe donation, si dhe programing Streamlabs OBS.

Logitech ka bashkëpunuar me Stremlabs prej më shumë se dy vitesh, sipas menaxherit të përgjithshëm dhe zv. presidentit të Logitech G Ujesh Desai, por tashmë ka ardhur koha që kompania të blejë përfundimisht Streamlabs.

“Kemi qënë fansa të Streamlabs dhe software-it të tyre që kur kemi filluar të bashkëpunojmë përpara dy vitesh,” – tha Desai. “Software i tyre, lider në industri, përshtatet shumë mirë me portofolin tonë ekzistues mbi gaming dhe ne besojmë që mund të bëjmë gjëra të mëdha së bashku.”

Logitech tha se blerja e Streamlabs nga ana e tyre nuk do të ketë impakt shumë të madh shitjet e tyre neto në fund të vitit fiskal ose në fitimet nga operimi.