Limited time Duos mode do të vijë në Apex Legends

Ka ardhur koha për pak aksion me mikun e ngushtë.

Në twitter-in e Apex Legends, sot u shfaq njoftimi për një limited time Duos Mode, e cila do të jetë live në 5 nëntor. Mode-i i ri ka qenë një prej më të kërkuarat prej fansave, që kur battle royale u lançua në fillim.

Është ende e paqartë se si do të funksionojnë skuadrat me nga dy në hartën e re të Apex, World’s Edge. Terreni është i gjerë dhe shumë më i madh se Kings Canyon dhe është e mundur që ulja e numrit total të lojtarëve në hartë, të rezultojë në më pak përballje.

Sado që Respawn ende nuk ka zbuluar se sa do të jetë totali i lojtarëve në mode-in Duos, një zgjidhje e këtij problemi do të ishte mbushja e lobby-t me më shumë legjenda.

Duke gjykuar suksesin ekstrem që kishte Solo mode i Apex, që u prezantua me patch-in Iron Crown, Duos mode me shumë mundësi do të ndajë të njejtin fat. Solos i lejuan lojtarët që ta merrnin 100% vetë në dorë lojën.

Me Duos pastaj, lojtarët do të kenë mundësinë të marrin mikun e tyre të ngushtë ose të talentuar për të shijuar battle royale-in e EA.

Respawn nuk ka thënë ende asgjë se sa do të zgjasë Duos mode, por mund të themi që tani që kur të hiqet, lojtarët do i marrë malli për të.