Leviathans në Apex Legends mund të shkaktojnë kaos në sezonin e 2

Respawn Entertainment kanë publikuar një të dhënë që sugjeron se Leviathans, që zakonisht shëtisin jashtë hartës së Apex Legends, mund të shkaktojnë probleme të mëdha në të ardhmen.

Që pas lançimit të Apex Legends, lojtarët kanë vërejtur krijesat masive në ujërat e Kings Canyon. Sado që në fillim ato qëndronin vetëm në një vend, tashmë kanë filluar të lëvizin në zonën e hartës që luhet.

Zhvilluesit e lojës, Respawn Entertainment, kanë dhënë një shenjë që këto krijesa mund të mos jenë edhe aq miqësore kur të arrijnë tokën. Në një postim në instagram nga adresa zyrtare e Apex Legends tregohet një mesazh i titulluar “L001 > DATA LOG AZ71P”, ku pjesa”L001″ i referohet një nga Leviathans.

Në cep të ekranit është një shënim që lexon: “Çfarë nuk shkon me Rosie?”, që mund të jetë një referencë për një nga bishat ose një legjende të re.

Duket se Levithans duan të vijnë në tokë. Mbi të gjitha kur i shton kësaj teorie edhe një foto nga faqja Origin, ku mund të shihen krijesat teksa qëndrojnë në ishull pranë një Repulseri të shkatërruar.

Me sezonin e dytë që do të fillojë në 2 korrik, lojtarët duhet të mbajnë një sy hapur për Levithans, pasi duket se ardhja e tyre nuk do të jetë aspak miqësore.