Loja me letra e Riot Games sa vjen e përmirësohet
Loja me letra e Riot Games sa vjen e përmirësohet
Legends of Runeterra është një prej lojërave të mira me letra në PC dhe mobile, por duke nisur nga qershori e më tej, ajo do të bëhet edhe më e mirë. Update të mëdha do të vijnë në lojë, duke nisur me dy modes të reja, evente sezonale me shpërblime dhe normalisht, më shumë letra.
I zbuluar në videon më të re nga producenti ekzekutiv Jeff Jew dhe drejtori i dizajnit Andrew Yip, update-i i ri i Legends of Runeterra është një muaj larg dhe do të vijë në 26 qershor. Gauntlets do të jenë një mode kompetitiv i ri me limit kohe që do të mbahet gjatë fundjavave, ku ka rregulla të reja për ndërtimin e decks në mënyrë që lojtarët të krijojnë strategji të reja. Gauntlet-i i parë do të nisë më 26 qershor dhe do të jetë thjesht një test me rregullat standarte. Megjithatë, kur Riot të shohë që nuk ka probleme, ata do të nisin Gauntlet-in e dytë ku do të ketë limitime për letrat.
Disa javë më vonë, në Legends of Runeterra do të vijë mode-i Lab. Njësoj si Gauntlets, edhe Lab do të ndryshojë rregullat e lojës, por fokusi këtu janë ndeshjet argëtuese. Ende nuk e dimë se si do të duket Lab i parë, por Riot thotë se do të ketë kombinime të çuditshme kampionësh dhe një nisje më të vrullshme.
Në qershor do të vijnë gjithashtu edhe evente në lojë, të cilat do të sjellin cosmetics, quests dhe Gauntlets ose Labs me tematikë të veçantë. Gjatë eventeve lojtarët do të marrin shpërblime ekskluzive thjesht duke luajtur, por ata mund të blejnë edhe një battle pass për shpërblime ekstra. Riot tha se tematika e eventit të parë do të mbetet një sekret derisa të zbulohet në qershor.
Ndërkohë, në gusht në Legends of Runeterra do të vijnë letra të reja. Megjithatë, nuk dihet se si do të jenë ato. Çdo dy muaj do të ketë letra të reja, ndërsa çdo gjashtë muaj do të vijë në lojë një rajon i ri në formën e një expansion, i cili do të zgjerohet vazhdimihst tre herë. Përveç këtyre, LoR gjithashtu do të marrë edhe update të vogla gjatë 2020, ku përfshihen përmirësime për deck builder, leaderboards në lojë, spectator mode dhe cosmetics të reja. Riot tha se po punohet edhe për tournaments edhe single player mode.