Open beta gjithashtu do të sjellë sezonin e parë ranked
Open beta gjithashtu do të sjellë sezonin e parë ranked
Pas dy testimeve paraprake, Legends of Runeterra, loja me letra e League of Legends, do të vijë në open beta në 24 janar. Riot Games e zbuloi këtë ditën e diel, si pjesë e festimeve për të nisjes së sezonit 10 në League of Legends.
Edhe pse beta do të jetë e hapur për çdo lojtar që dëshiron ta provojë lojën, lojtarët që kanë marrë pjesë në dy testet e para do të kenë një bonus special. Të gjithë lojtarët të cilët kanë luajtur Legends of Runeterra më parë dhe që janë regjistruar paraprakisht në faqen e lojës përpara 19 janarit, do të kenë mundësinë të luajnë në beta 1 ditë më parë, në 23 janar.
Por, nëse nuk keni patur mundësi të luani Legends of Runeterra më parë, mos u shqetësoni. Çdo llogari do të bëhet reset kur të nisë open beta. Kjo është hera e fundit sipas Riot që llogaritë do të bëhen reset. Kjo do të thotë se çdo gjë që bleni dhe fitoni gjatë beta do të mbetet gjithmonë me ju.
Open beta do të sjellë disa ndryshime nga dy versionet e mëparshme të lojës. Një mode ranked do të vijë në lojë, i cili do t’i lejojë lojtarët të luajnë për të arritur në Master, duke provuar se janë lojtarët më të mirë të Legends of Runeterra. Beta gjithashtu do të ketë një listë miqsh, si dhe do t’ju japë mundësi të luani kundër miqve tuaj. Do të ketë gjithashtu fusha dhe gardianë të rinj për lojtarët, si dhe një patch që do të sjellë më shumë se 20 letra sipas Riot. Patch-i për versionin beta të Legends of Runeterra do të vijë në 22 janar.
Çdo lojtar që do të marrë pjesë në open beta do të fitojë një Moonstruck Poro Guardian. Legends of Runeterra pritet të lançohet plotësisht gjatë 2020 në PC dhe mobile, duke suportuar cross-play.