Legendary Update në Super Mario Maker 2 sjell Link dhe Master Sword

Legendary Update gjithashtu shton një mode të ri me pista nga Nintendo

Update i ardhshëm i Super Mario Maker 2 do të sjellë Link si personazh në lojë, së bashku me një koleksion armës dhe lëvizjesh klasike nga The Legend of Zelda. Legendary Update do të vijë falas të enjten, në 5 dhjetor dhe do të sjellë kundërshtarë të rinj, mjete krijuese dhe një mode speedrun me pista nga Nintendo.

Të përdorësh Link është fare e thjeshtë, thjeshtë duhet të gjeni power-up-in Master Sword për ta kthyer Mario në Link. Si Link, ju mund të përdorni shpatën legjendare Master Sword dhe mburojën Hylian, një hark me shigjeta, bomba, si dhe sulme të ndryshme. Mund të godisni me hark në tre drejtime, të përdorni bombat për të hapur rrugë dhe të dizenjoni nivele bazuar tek aftësitë e Link. Megjithatë, power-up-i Master Sword përdoret vetëm në pistat 8-bit Super Mario Bros.

Mjaft entuziazmues është edhe mode i ri Ninji, i cili sjell pista të krijuara nga Nintendo, të cilat ju duhet t’i përfundoni sa më shpejt të mundeni, me lojtarët e tjerë që shfaqen si fantazma.

Gjithashtu, ky update shton dhe disa kundërshtarë të rinj: Spike, përbindëshin jeshil që hedh topa me gjëba dhe Pokey, një kaktus. Më pas, kemi Frozen Coins, të cilat merren kur zjarri shkrin akullin që i rrethon, blloqe të fshehura të quajtura P Blocks si dhe blloqe që e bëjnë Mario më të shpejtë të quajtur Dash Blocks.