Që me lançimin e saj nga fundi i 2018s, Creative Mode e Fortnite ka patur disa krijime shumë të lezetshme falë lojtarëve të saj. Këtu mund të përfshijmë konceptin e Mini Golf, hartën e Dust II nga CS:GO dhe tani, e porsaardhur në listë, një rikrijim të plotë të overworld-it dhe 9 dungeons-at nga loja origjinale The Legend of Zelda.
Përdoruesi që e bëri këtë të mundur ishte Mustard Plays. Ai ka postuar një video në YouTube ku tregohet i gjithë krijimi i tij. Videon mund ta shikoni më poshtë. Mund të themi që është vërtet spektakolare.
Lojtarët duhet të merren me dungeons dhe të mbledhin copëza të Triforce-it ikonik të lojës për të arritur në nivelin final. Sado që është e gjitha e interpretuar në stilin e vetë artistik të Fortnite, duhet ta pranojmë se kjo hartë ka një reflektim të versionit old-school të Zelda.
Mustard vrapon përgjatë hartës për të treguar çdo detaj të saj në videon 21 minutëshe Ai ju tregon sekuenca të dungeons dhe lojtari i tij është i veshur në një kostum jeshil të frymëzuar nga Zelda. Nëse doni ta shikoni, videoja është më poshtë.