Ndërkohë që Sony njoftoi se PS5 do të vijë në 2020, Rockstar ende nuk na ka dhënë asnjë lajm se kur do të vijë GTA 6. Gjithsesi, diçka që nuk ka munguar rreth lojës kanë qenë leaks, nga burime të shumta, disa më të besueshme se të tjerat.
Kanë kaluar mbi gjashtë vite që kur GTA 5 erdhi në 2013, por informacionet e para të bëra leak për GTA 6 kanë ardhur nga fundi i 2018s dhe janë shtuar më shumë në 2019. Këto leaks i janë referuar protagonistëve të mundshëm të lojës, vendndoshjeve të hartave, datës së lançimit etj.
Problemi me leaks sigurisht është që natyra e tyre shpesh është e dyshimtë. Përveç rasteve kur vijnë nga burime shumë të besueshme, ata shpesh do të konsiderohen si të trremë, madje një pjesë e mirë e tyre do të jenë të tillë. Kjo është arsyeja pse kur i listojmë këto leaks, duhet të marrim në konsideratë burimin dhe atë që ky burim po na komunikon.
Edhe pse shembujt e mëposhtëm e kundërshtojnë njëri-tjetrin në një pikë të caktuar, kjo është provë e mëtejshme që gjithmonë duhet të ruajmë skepticitetin ndaj tyre. Gjithsesi, këto janë katër leaks më të besueshëm të GTA 6 deri më tani:
‘PS5 leaker’
Le të fillojmë me atë leak që duket më real nga gjithë të tjerët. Për çudi ky erdhi në dhjetor të 2018s dhe u fokusua më shumë në detajet e PlayStation 5, që tashmë është i konfirmuar.
Në atë kohë nuk ka patur asgjë të konfirmuar për konsolën e gjeneratës së ardhshme të Sony. Më shumë se një vit ka kaluar tashmë dhe çdo gjë që ka thënë ky leaker për konsolën, ka rezultuar e vërtetë.
Detajet që ai ndau nuk ishin gjëra të thjeshta si emri i konsolës ose ngjyra e saj, por ishin parametra të detajuara për PS5. Ky leak dha edhe informacione për GTA 6. Ky leak thoshte: “GTA 6 me shumë mundësi në fundvitin e 2020ës”.
Duke qenë se tashmë jemi në 2020ën, një datë lançimi e GTA 6 për këtë vit duket gjithmonë e më e pamundur. Fundja, GTA 4 u lançua rreth një vit pas publikimit të trailerit të parë të saj dhe Rockstar e njoftoi GTA 5 dy vite përpara lançimit. Pra historia na rrëfen se do të presim pak më shumë se çfarë sugjeron ky leaker.
I njejti postim diskutoi edhe se ku mund të zhvilloheshin ngjarjet e lojës. Leakeri tha se kishte dëgjuar thashetheme për në Miami dhe New York.
Ky leak PS5 është interesant sepse leaker-i e pranon se nuk është 100% i sigurtë për informacionin që po jep. Kjo e dallon atë nga një leaker standart, që shtiret sikur është i bindur për informacionin që po jep.
Deklarata e tij për dy qytete të mëdha përputhet edhe me një leak tjetër të këtij artikulli, por bie pak në kundërshtim me leak-un e rradhës.
Glassdoor Review
Kjo është një nga mënyrat më unike për të bërë leak informacione dhe duke marrë parasysh delikatesën e tij, leak-u duket të jetë i vërtetë. Gjithsesi, ai bie në kontraditë me leakun e mësipërm.
Glassdoor është një website që lejon të gjithë punëtorët e verifikuar të një kompanie të lënë pas një review për eksperiencën e tyre të punësimit. Në këtë rast, një punonjës i pakënaqur i Rockstar, la një review pak të ashpër për kompaninë.
Gjithsesi, në këtë review kishte edhe informacion për fansate GTA 6. Ajo Lexon: “GTA 6 LS VC LC”. Kjo padyshim që është e qëllimshme dhe nga fansat është interpretuar si: GTA 6, Los Santos, Vice City dhe Liberty City. Kjo nënkupton se sipas këtij punonjësi të GTA 6, këto tre qytete do të jenë pjesë e lojës së ardhshme.
E vetmja gjë që mund të bëjmë është të shpresojmë që ky leak të jetë i vërtetë, sepse ideja e tre prej qyteteve më ikonike të serive në një lojë është thjesht e pabesueshme.
Një leak nga Reddit.
Ky leak vjen nga 2019 përmes Reddit. Është pak i çuditshëm duhet thënë, sepse autori i tij nuk ka as edhe një burim që mund ti bëjë të besueshëm, por ai ka dhënë shumë informacione të detajuara, aq shumë sa duken të besueshme.
Mund të lexoni të gjithë listën e informacioneve të dhëna në këtë link. Leaker-i gjithashtu qëndroi aktiv në postimin e tij në Reddit, duke ju përgjigjur disa pyetjeve që fansat e lojës po pyesnin për të më vonë. Nëse ky veprim e bën atë më të besueshëm në sytë e publikut ose jo, është në dorën tuaj.
Leak-u i Gameware
Ky leak specifik nuk zbulon asgjë më shumë përveç datës së lançimit, ose më saktë periudhës së lançimit. Shitësi australian Gameware e listoi GTA 5 duke thënë se: “do të vinte në 2020ën.”
Zakonisht ky do të ishte një leak që nuk do të merrej shumë parasysh, por ja vlen të përmendim se Gameware ka bërë leak më parë edhe datën e lançimit të lojërave si Need for Speed Heat dhe Devil May Cry 5, përpara se të njoftoheshin zyrtarisht.
Dëshpërimi i fansave mbi një njoftim zyrtar të GTA 6 sa vjen dhe rritet më shumë. Do të jetë interesante të shohim se kush nga këto leaks do të rezultojë i vërtetë pasi Rockstar ta njoftojë lojën.