Leak-u zbulon datën e lançimit dhe quest-in kryesor të lojës
Leak-u zbulon datën e lançimit dhe quest-in kryesor të lojës
Një përdorues në Reddit vendosi të përdori subreddit-in e Bethesda për të zbuluar informacione sekrete mbi The Elder Scrolls 6, pa dhënë informacione për veten e tij, por duke thënë se është shumë pranë Bethesda Game Studios.
Sipas këtij leak-u, loja do të zhvillohet në High Rock dhe Hammerfell, por pamjet e shfaqura në trailer-in e lajmërimit janë nga Yokuda. Leaker-i thotë se ekipi është shumë entuziast pasi High Rock nuk është eksploruar që prej Daggerfall dhe Hammerfell ka shumë histori interesante që do të tregohet nëpërmjet quest-eve të lojës.
Leaker-i më pas foli më në detaj për quest-in kryesor të lojës dhe se si ai lidhet me Direnni Tower. Ai thotë se grupi supermacist i elfëve, Thalmor, janë të përfshirë dhe po shfrytëzojnë tensionet midis Hammerfell dhe High Rock.
Ai më pas konfirmoi se titulli i lojës është Redfall dhe se kjo ka të bëjë me Hammerfell.
Përveç ndryshimit të crafting dhe përmirësimit të magjive, leaker-i gjithashtu tha se Vampire Guild do të rikthehej. Në fund, ai foli dhe për DLC e ardhshme të lojës. Sipas tij, një DLC ende nuk është planifikuar, pasi bazohet më shumë tek idetë që vijnë pasi loja mbarohet ose gjërat që duan të implementohen po nuk u pat mundësi. Megjithatë, ai premtoi se do të kishte disa gjëra fantastike.
Për sa i përket datës së lançimit, nëse i besojmë këtij leak-u, mos prisni që ta luani Elder Scrolls VI së shpejti. Leaker-i tha se loja do të vijë në nëntor të 2025, por asgjë nuk dihet me siguri.