18 operatorëve të Modern Warfare do i shtohen dhe 13 të tjerë
18 operatorëve të Modern Warfare do i shtohen dhe 13 të tjerë
Seria e Call of Duty morri përsipër disa risqe në Black Ops, ku ata sollën Specialists, të cilët janë skins me aftësi speciale dhe që sollën shumë polemika në komunitetin e lojës.
Në lojën e fundit të lançuar, Modern Warfare, Specialists nuk janë më, dhe ata quhen thjeshtë operatorë, duke qënë tërësisht kozmetikë dhe pa aftësi speciale.
Megjithatë, lojtarët gjithsesi duhet të zgjedhin një operator për të përfaqësuar veten e tyre në multiplayer dhe për të shprehur pak nga vetja. Nëse nuk jeni të kënaqur me operatorët që janë deri tani në Modern Warfare, mos u shqetësoni, pasi një leak ka zbuluar se 13 operatorë të rinj po vijnë në Call of Duty: Modern Warfare.
Sipas një përdoruesi në Reddit, këta operatorë ndahen në dy klanet e lojës thuajse në mënyrë të barabartë, me 6 që do të jenë në Allegiance dhe 7 të tjerët në Coalition.
Ka mundësi që operatorë të tjerë të vijnë në të ardhmen nëse ky leak është i vërtetë, duke marrë parasysh se do të qe e çuditshme që të kishim një numër tek operatorësh.
Interesant është fakti se operatori i tretë nga fundi duket shumë i ngjashëm me RB e Seattle Seahawks Marshawn Lynch, gjë e cila do të qe mjaft interesante duke qënë se ai është një fans i kësaj serie.
Një gjë që nuk u përmend është çmimi. Çdo gjë e re që ka ardhur deri tani në Modern Warfare ka qënë falas, por kjo nuk do të thotë që gjërat do të qëndrojnë kështu dhe në vazhdim.
Duhet marrë parasysh se ky është thjesht një leak, prandaj nuk duhet marrë si një informacion i sigurt derisa Infinity Ward të zyrtarizojë gjithçka.