Loja gjithashtu mendohet të vijë dhe në PS4 dhe në PS5.
Loja gjithashtu mendohet të vijë dhe në PS4 dhe në PS5.
Ka qenë një rrugë e gjatë për Naughty Dog në raport me zhvillimet për The Last of Us Part 2. Loja është hasur me vonesa të shumta dhe periudha mjaft të gjata heshtjeje nga ana studios. Jashtë segmenteve kinematike dhe të gameplay-it, ka ende shumë mister që e rrethon lojën. Kaq shumë sa The Last of Us 2 shpesh bie pre e thashethemeve dhe leaks-ave, përfshirë këtu edhe këtë të fundit që deklaron se loja do të lançohet në disa konsola.
Ky lajm ka ardhur nga subreddit-i i The Last of Us 2, ku një përdorues sugjeron se loja do të lançohet vitin e ardhshëm dhe Sony po e përgatit për ta sjellë me PlayStation 5. Si një lojë lançimi bashkë me PS5, do të ketë grafika shumë të mira, engine të ri dhe skena që bëjnë dallime masive në krahasim me gameplay-in.
Krahas kësaj mendohet se shprehitë e fytyrës do të jenë katër herë më komplekse se loja e fundit e studios, Uncharted: Lost Legacy, duke i dhënë The Last of Us 2 njenjën e një lloj filmi interaktiv.
Përdoruesi vijoi të thoshte se loja gjithsesi do të lançohet në PlayStation 4, për ata fansa që nuk duan të ndërrojnë konsolën e tyre vetëm për ta luajtur. Kjo në fakt përshtatet me një koment që Sony ka bërë këtë vit, ku ka hedhur poshtë teorinë se loja do të vinte si ekskluzive e PlayStation 5.
Detaje të mëtejshme se kur mund të lançohet në PS4 ose se sa ndryshe mund të jetë ky version në raport me atë në PS5, nuk u bënë të ditura. Gjithsesi është pa frikë një nga lojërat më të pritura të momentit, ndaj do hamendësojmë që do të duket super në të dyja konsolat.
Në fund duhet të kemi parasysh që këtë deklaratë mos ta marrim drejtpërdrejtë si të mirëqenë. Sado që një pjesë e mirë e informacioneve i shkonin për shtat thashethemeve të tjera, ende mungon një konfirmim zyrtar për to.