Loja mendohet të vijë brenda dhjetorit të 2020s dhe janarit të 2021.
Loja mendohet të vijë brenda dhjetorit të 2020s dhe janarit të 2021.
Red Dead Redemption 2 ishte një sukses masiv kur u lançua në tetor të vitit të shkuar. Ishte pikërisht kjo ajo që i bëri fansat të mendonin se kush do të jetë projekti i rradhës për Rockstar Games. Një leak i ri sugjeron se studioja është duke punuar me një Remake të Red Dead Redemption, me një datë lançimi mes dhjetorit të 2020s dhe janarit të 2021.
Ky leak sigurisht që vjen nga Reddit dhe nuk mund ta mohojmë që është një deklaratë shumë interesante e bërë nga ana e përdoruesit, që e postoi në GamingLeaksAndRumours. Sipas tij, informacioni vjen nga një person brenda Rockstar Games. Leaker-i thotë se Rockstar Games është duke punuar me një ripunim të plotë të Red Dead Redemption.
Mendohet se ky Remake do të ketë një hartë shumë më të madhe se origjinali. Si duket pas ecurisë së madhe të RDR 2, Rockstar ka si qëllim që të lerë të njejtin impakt mes fansave dhe publikut. Le të mos harrojmë se Red Dead Redemption është një nga lojërat më të mira të studios.
Rockstar Games gjithashtu mendohet që të sjellë sërish të njejtin dublant zëri të John Marston për këtë projekt. Raportohet se ai është kthyer në ambjentet e studios për të regjistruar fraza të reja për remake-un.
Leaker-i gjithashtu ka thënë se Rockstar e ka pasur në plan remake-un e Red Dead Redemption për 10 vjetorin e lojës origjinale, por duket se problemet teknike kanë shkaktuar vonesa në skuadrën e zhvillimit. Rockstar gjithsesi është duke i shpejtuar ritmet e zhvillimit, duke kaluar 2/3 e skuadrës së Red Dead Online që të punojnë me remake-un.
Tani, sado që ky është një lajm super emocionues për të gjithë fansat e lojës, duhet të marrim parasysh që është i gjithi thjesht një leak, pa prova për tu mbështetur. Siç e dimë mirë në të tilla raste nuk i dihet kurrë vërtetësisë së ngjarjes. Herë mund të qëllojë e vërtetë dhe herë të tjera mund të jenë thjesht fjalë boshe të hedhura në ajër.
Pa patur konfirmim zyrtar nga Rockstar Games nuk mund të jemi kurrë të sigurtë. Gjithsesi, besoj se të gjithë duam që ky të jetë një informacion i vërtetë.