Bëhet leak Rapid Fire SMG, arma më e re që do të vijë në Fortnite

Ajo pritet të vijë në Chapter 2 Season 2

Epic Games vazhdon të surprizojë fansat e Fortnite duke sjellë veçori të reja në lojë, sidomos përpara update-ve të mëdha si sezonet e reja. Disa leaks kanë ardhur tashmë për sezonin e dytë të Chapter 2, përfshirë këtu një material të ri ndërtimi, por pritet që gjithashtu në lojë të vijë edhe një SMG  e re.

Një leaker e zbuloi këtë armë ditën e sotme, duke treguar dy linja kodi që thonë: “WID_Pistol_RapidFireSMG_Athena“. Kjo më pas u suportua nga leaker-i ShiinaBR, i cili tha se arma do të vijë si Uncommon dhe Rare, gjë e cila i bëri fansat të mendonin se ky do të ishte një rikthim i Machine Pistol. Megjithatë, ekziston mundësia që kjo të jetë edhe një armë tërësisht e re.

Lojtarëve të Fortnite nuk do t’iu duhet të presin shumë, me Season 2 që është fare pranë. Season 1 pritet të mbarojë në 20 shkurt, ndërkohë që sezoni i dytë pritet të nisë po atë ditë, që do të thotë se lojtarët do të kenë shumë gjëra të reja për të provuar atë ditë, përfshirë këtu një armë të re.