Sipas këtij leak-u mods do të vijnë së shpejti në Fortnite

Që kur u lançua përpara tre viteve, i gjithë content-i  dhe ndryshimet që kanë ndikuar Fortnite kanë ardhur nga Epic Games. Gjithsesi, lojtarët kanë bërë lloj lloj gjërash me krijimet e tyre në Creative mode, duke sjellë harta që mundësojnë orë të tëra argëtim.

Duket se së shpejti Epic Games mund t’u japë lojtarëve edhe aftësinë për të përdorur mods në Fortnite, për t’i bërë gjërat pak më interesante.

Ishte Lucas7Yoshi ai që e njoftoi këtë në Twitter në 23 nëntor, por nuk mund të shpjegonte se deri në çfarë pike do të shkonin këto veçori të modding.

Prezantimi zyrtar i mods padyshim që ka për të emocionuar shumë lojtarë, por duhet ruajtur dhe një farë balance, që të mos e shkatërrojnë lojën plotësisht.

Lind dhe pyetja nëse ato do të funksionojnë vetëm në PC apo edhe në konsola. Mbetet të presim dhe të shohim se sa do të dalin fjalët e Lucas7Yoshi.