Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Me pritshmëritë që janë gjithnjë në rritje për GTA 6-ën ende të paparalajmëruar, një individ që pretendon të ketë qenë një testues i QA për Rockstar ka ndarë një leak të hollësishëm me publikun.
Deri në Dhjetor 2019, nuk ka pasur ende asnjë indikacion se Rockstar madje po punon mbi GTA 6, por duke marrë parasysh se kanë kaluar mbi shtatë vjet që nga loja e fundit në ekskluzivitetin e tyre më të suksesshëm, komuniteti i gaming mendon se ata janë duke punnuar në heshtje.
Ka pasur leaks të panumërta në lidhje me GTA-në e ardhshme, disa më të besueshme se të tjerat. Më e cituara prej të cilave pretendon se do të titullohet ‘Project Americas’, dhe do të zhvillohet në vende të ndryshme.
Ne kemi përmbledhur tashmë gjithçka dimë mbi GTA 6 (të paktën, lajmet më të besueshme), por informacioni i freskët na ka rënë në duar në 28 Dhjetor.
Para se të vazhdoni më tej, është e rëndësishme të theksohet se këto informacione nuk mund të konfirmohen. Ekziston çdo shans që është të paktën pjesërisht e trilluar. Sidoqoftë, këtu ka disa të dhëna që mund t’i tërheqin vëmendjen një fansi të GTA.
Leak-u vjen nga një burim anonim i cili ka pohuar të jetë një testues i QA i cili ka punuar si në RDR2, ashtu edhe në GTA-në tjetër. Postimi është fshirë menjëherë nga Reddit nga moderatorët, por arsyeja e heqjes së tij nuk është e qartë.
GTA 6: Hartë e madhe, dy qytete, tre shtete?
Fokusi kryesor i leak-ut është harta në vetvete, e cila si duket është “e madhe”, dhe përfshin dy qytete të mëdha: Carcer City (East Coast US, bazuar në Boston) dhe Vice City (Miami).
Testuesi i supozuar thotë që madhësia e hartës e bën GTA 5 të duket si një “shesh lojërash në kopsht” dhe do të ketë efekte atmosferike të përmirësuara për motin dhe pamjet, të frymëzuara nga qasja realiste e Red Dead Redemption 2.
Dy protagonistë: Vëllezërit?
GTA 5 theu traditën duke patur karaktere të shumta të luajtshme, dhe pretendimet për leak-un e GTA 6, sugjerojnë të njëjtën gjë, ndoshta me dy vëllezër, njëri prej të cilëve është një polic i fshehtë:
“Unë e di se protagonistët e shumtë janë të zakonshëm tashmë, dy prej tyre mund të jenë vëllezër (?). Një prej tyre është një polic i fshehtë ose diçka e tillë (mendoni filmin Departed).”
‘Mission design’ gjithashtu është “plotësisht i rindërtuar”. Pasi siç shprehet testuesi, “ju mund të braktisni përgjithmonë disa misione ose të merrni rrugë të ndryshme që sjellin pasoja të ndryshme”.
Ekzistojnë një bollëk detajesh në lidhje me GTA 6 të postuar në leaks të ndryshëm, por shumica e tyre janë vërtetë të paqarta. Duhet përsëritur se burimi i këtij leak-u nuk mund të vërtetohet si autentik, kështu që ne vetëm mund të spekulojmë për saktësinë e tij.
Aktualisht, GTA 5, veçanërisht pjesa online, është ende duke performuar jashtëzakonisht mirë, kështu që Rockstar mund të mos ketë nxituar të lançojë GTA 6, duke u dhënë atyre më shumë kohë për të përsosur lojën për gjeneratën e ardhshme të konsolave.
Leak-un e plotë mund ta lexoni më poshtë, fillimisht të postuar në Reddit.
