Leak: Lojërat e PlayStation Plus për muajin mars

Lojërat falas të PlayStation Plus për muajin mars duket të jenë bërë leak përpara kohe, nga një website polak. Një ad që padashje ishte publikuar më herët se ç’duhej tregoi Shadow of the Colossus dhe Sonic Forces si dy lojërat e disponueshme në PlayStation muajin e ardhshëm. Secila prej tyre mendohet se do të bëhet e disponueshme në 3 mars.

Website-i ku përdoruesi i Reddit vërejti këtë ad nuk u përmend, por ai postoi një screenshot të tij për ti dhënë përdoruesve një ide më të mirë se me çfarë kishin të bënin. Ad-i tregonte se cilat supozohej të ishin lojërat falas të muajit të ardhshëm, përtej atyre që tashmë po ofroheshin këtë muaj.

Nëse leak-u është i saktë, që leaks nga burime të tilla zakonisht qëllojnë të jenë, do të thonim se Marsi ka rezervuar lojëra goxha të lezetshme për përdoruesit. Ky version i Shadow of the Colossus është remake-u i krijuar nga Bluepoint Games. Shadow of the Colossus ishte një sukses masiv në PlayStation 2 dhe pati po të njejtin sukses në PlayStation 3. E njejta gjë ndodhi edhe me PS4.

Sonic Forces nuk është edhe aq e preferuar sa Shadow of the Colossus me një vlerësim prej 6.8 në Metacritic. Gjithsesi si një lojë e PlayStation Plus nuk është aspak keq.