Loja thuhet se do të zbulohet në shkurt
Loja thuhet se do të zbulohet në shkurt
Loja e ardhshme Assassin’s Creed ende nuk është zbuluar, por dihet se ka kohë që ajo po zhvillohet nën emrin Assassin’s Creed Kingdom. Megjithatë, sipas disa zërave, emri i lojës do të jetë në fakt Assassin’s Creed Ragnarok dhe janë zbuluar gjithashtu disa detaje.
Sipas këtij leak-u anonim, Assassin’s Creed Ragnarok do të vijë në fund të vitit të ardhshëm në gjeneratën e tanishme, por edhe në konsolat e gjeneratës së ardhshme. Loja do të zbulohet në shkurt. Assassin’s Creed Ragnarok, siç thuhej dhe më herët, do të ketë tematikë vikinge dhe do të zhvillohet në Skandinavi si dhe një pjesë të madhe të Anglisë. Vende mitologjike si Asgard dhe Jotunheim gjithashtu do të mund të eksplorohen.
Megjithatë, një tjetër leak e zgjeron më shumë këtë informacion, duke shpjeguar se Assassin’s Creed Ragnarok do të zhvillohet në fillim të viteve 1000 dhe një prej tematikave më të mëdha të kësaj loje është konvertimi i popullsisë skandinave në krishtërim.
Duket se Assassin’s Creed Ragnarok do të kthejë sërish vetëm një personazh kryesor mashkull, i cili do të jetë një viking danez. Harta e lojës, përveç Skandinavisë dhe Anglisë gjithashtu pritet të përfshijë një pjesë të Irlandës.
Janë zbuluar gjithashtu dhe disa detaje. Sipas zhvilluesit që publikoi këtë leak, Irlanda dhe Norvegjia kanë disa prej misioneve më interesante. Në Irlandë ekziston një mision i lidhur me folklorin kelt dhe në Norvegji mund të shikoni Odin, mbretin e Asgard.
Edhe pse nuk ka asnjë mënyrë për të konfirmuar nëse ky burim është i saktë dhe i besueshëm, numri i madh i detajeve të bën të mendosh që ky leak është i besueshëm dhe jo thjesht një trillim. Megjithatë, gjithçka do të konfirmohet në të ardhmen nga Ubisoft.