Leak: Ky imazh i Cyberpunk 2077 ju jep fansave pamjet e para të hartës

Një nga lançimet më të mëdha të pritura për vitin 2020 është Cyberpunk 2077 e CD Projekt Red. Sot, fansat patën mundësi të shikonin pamjen e parë të hartës së lojës, përmes një leak-u.

Zhvilluesit kanë goxha pritshmëri për të përmbushur përpara, duke marrë parasysh se lançimi i tyre i fundit ishte The Witcher 3. Bota e The Witcher 3 ishte masive, ndaj fansat janë duke pritur për një hartë po aq ose më të madhe se e asaj loje.

Ishte përdoruesi i Reddit, TheHeroicOnion, ai që postoi një screenshot të hartës, që zbulon një sektor të rajonit ku lojtarët do të luajnë në lojë. Fansat duhet të jenë mjaft të lumtur, sepse nga pamjet e këtij imazhi, harta e plotë është goxha premtuese.

Nuk ka dyshim që do të ketë plot vende për të eksploruar kur loja të lançohet. Në foto paraqitet vetëm një sektor i vogël i asaj që duhet të presim.. gjithmonë nëse ky leak do të jetë i vërtetë.

Ka ende kohë derisa të lançohet Cyberpunk 2077, ndaj është ende herët për të dhënë verdiktin e çfarë është e vërtetë ose jo, ndaj kini parasysh që të mos ta merrni për të mirëqenë këtë informacion.

Cyberpunk do të lançohet në 16 prill të 2020s për PlayStation 4, Xbox One, Google Stadia dhe PC.